ꋯꑌ
吉克伍合
“ꆫꌠꃢꀋꎭ，ꂿꌠꋚꀋꎭ”，ꑠꄷꑴꇬ“ꆫꌠꀋꉬꂿꌠꈠꆺꌦ，ꂿꌠꀋꉬꆫꌠꂮꐚꌦ”，ꑠꐛꆎꃰꊿꋯꑌꃅꐥꄸꅐ。ꀊꅰꃅꆅꅋꀊꏀ ꋌ ꐘ ꄚ ꅐ ꇁ ꈭ ꐨ ꆏ ꁱ ꂷ “ꋯ ꑌ ꃰ ꉻ ”ꋌ ꇖ ꂷ ꈍ ꃅ ꀋ ꉬ ꀋ ꉆ ꌠ ꉢ ꅉ ꐚ ꀑ ，ꇐꀳ“ꀁꑌꊿꋌꀋꁯ，ꀉꑌꊿꋌꁭ，ꀉꑌꊿꋌꀋꁯ，ꋯꑌꊿꋌꁭ”ꄷꋌꇬꑟꄜꌠꉢꐝꉅꀐ。
2019ꈎ12ꆪꍏꇩꃛꀙꌜꃶꉴꏃꆅꅋꀊꏀꊌꌠꇬꂾꐘꊿꎹꅐꇁ，ꋌꊂꈭꐨꆏ，ꆅꊿꀊꅰꃅꀉꑌꃅꇬꁖꇁ。ꍏꇩꆅꉛꊿꈧꌠꇤꃛꀙꄉꆅꊿꈭꋏ。ꃛꀙꈢꄉꈭꐨꆏ，ꍏꇩꂱꈀꄸꑌꃛꀙꇇꀤꌐ，ꋍꈨꆏꈌꃖꅍꃼ，ꋍꈨꆏꋂꄮꆿꏢꃼ，ꋍꈨꆏꎆꅐ，ꋍꈨꆏꊋꅐ。ꐧꌷꌺꂷꐛꇈꄉꌤꆿꋌꈨꐯꇯꉢꇬꃅꀋꄐ，ꑠꃅꑴꇬ，ꉡꑌꇩꏤꅇꂷꅲꄉꌤꆿꀋꐥꑴꆏꅉꀕꃅꀁꇬꐥꄉ，ꌤꆿꀋꉬꀋꉆꌠꐥꄉꁡꇤꆹꇬꑌꈌꃖꅍꅑꄉꆹ，ꀱꇁꆏꒊꊪꌌꇇꒈꋌ。ꌤꆿꋌꍈꀄꊭꑴꇬ，ꉪꊈꐯꇯꑠꃅꊨꏦꀧꌋꃅꄉꑴꆏ，ꋧꃅꂷꃅꀧꌋꃅꄉꀐ。ꋌꈭꐨꆏ，ꆅꅋꀊꏀꋌꏢꉪꊈꈔꋏꇬꎭꇁꌠꉬ。
ꉪꊈꋯꑌꆏꆅꋌꏢꇬꈴꁧꎂꀕ，ꄚ，ꉪꊈꋯꑌꃰꉻꃅꇐꋌꏢꇫꈴꁧꀋꉆ，ꋧꃅꇤꄧ，ꏣ꒜ꏣꑟ，ꃺꃶꀁꑳꈧꌠꋯꑌꃰꉻꃅꐥꑴꆏ，ꉪꊈꀊꅰꃅꐥꌒꄻꌒꇁꀐ。
扫描二维码 关注我们
微信号 :凉山州民族中学订阅号
-END-